ЧУКӦРТӦНЫ НЯНЬЯС

Казань. Татарскӧй республикаын заводитісны вундыны арся кӧдзӧм няньяс. Гожӧмыс зэра вӧлі да, ёна нюжӧдіс сэні вундӧмсӧ. Зэръяссьыс жӧ няньяс ёна усьӧмаӧсь. Урожай виччысьӧны шӧркоддьӧмӧс. Тувсов кӧдза няньяс бурджыкӧсь, сӧмын найӧ абу на воӧмаӧсь да дыр на лоӧ виччысьны вундыныс.

Рыбинск. Губерня пасьтала гӧгӧр заводитісны вундыны сю. Ӧні поводдяыс мича сулаліс да няньяс ёна бурмисны.

Тамбов. Сю вундӧм эштӧ нин. Заводитісны чукӧртны зӧр да турунъяс.

Ставрополь. Ставрополь округын джынвыйӧ унджык весалӧмаӧсь саранчаысь. Урожайсӧ саранчаысь вермӧмаӧсь мездыны. Петровскӧй да Благодаринскӧй районъясын крестьянаыс саранчасӧ заводитӧмаӧсь пызйыны карасинӧн. Саранчаыс карасиннас пызйӧмысь вывті ёна кулӧ. Аэропланъяс ёна отсалӧны крестьяналы водзсасьны саранчакӧд.