КОМИ ОБЛАСЬТУВСА ПРОФСОЮЗЪЯС СӦВЕТЛӦН ШЫАСЬӦМ

Дона ёртъяс!

Англияса из шом перйысь рабочӧйяс нёльӧд тӧлысь нин водзсасьӧны асланыс корӧмъяс вӧсна, оз сетчыны забастовкалы паныд мунысь йӧзлы. Миллион саяс рабочӧйяс нёльӧд тӧлысь нин эз босьтлыны уджалан дон. Асланыс деньга из шом перйысь рабочӧйяслӧн абу. Стачечнӧй фондысь сьӧмыс бырӧ жӧ нин. Рабочӧйяс кутчысьӧны сӧмын мукӧд государствоса рабочӧйяс отсалӧмӧн, медсясӧ СССР-са рабочӧйясӧн отсалӧмӧн.

Коми обласьтувса уджалысь йӧз гӧгӧрвоисны нин ассьыныс могсӧ. Найӧ англияса из шом перйысь рабочӧйяслы отсӧг вылӧ торйӧдісны коді мый вермис сьӧм. Миян рабочӧйяссянь да служащӧйяссянь ыстӧма нин Ставсоюзса профсоюзъяс Сӧветӧ 4,605 шайт сьӧм.

Обласьтувса профсоюзъяслӧн Сӧветыс чайтӧ, мый профсоюзса шленъяс мӧд чукӧстчӧм вылӧ сідзжӧ шыасясны да отсаласны англияса из шом перйысь рабочӧйяслы, найӧ бабаяслы да челядьыслы асланыс уджалан донысь мыйкӧ мында сьӧм торйӧдӧмӧн.

Обласьтувса профсоюзъяс Сӧветлӧн ПРЕЗИДИУМ.