ТУРУН ПУКТӦМ

Косаӧн да нарманӧн^Нарман — куран./^

Пыжъяссӧ тыртісны;

Пони юяссӧ ва кузя

Ставыс мӧдӧдчисны.

Дыр ли регыд кыпӧдчисны,

Места вылӧ воисны,

Став кыпӧдӧм оласнысӧ

Турушъяссӧ^Туруш — амбар./^ пуктісны.

Асывводзиндзи чеччисны,

Видзьяс вылӧ мӧдӧдчисны;

Мунігӧнныс видз вылӧ

Ёна сьылыштісны.

Лэчыд косаяслӧн звукыс

Сӧмын кылӧ, — шырс да шарс;

Турунъясыс кок йывсьыныс

Ставыс пӧралӧны.

Ытшкӧм бӧрын нарманъясӧн

Турун вӧрӧдны мӧдасны;

Мыйӧн косьмас, пырысь-пыр

Сабриясӧ^Сабри — зорӧд./^ чӧвтасны.

Паш Коля.