РАКОШИ ЁРТ ДА МУКӦД РУМЫНИЯСА^колӧ: Венгрияса/^ КОММУНИСТЪЯС ВЫЛЫН СУД

Вена. Суд лыддис приговорсӧ Ракоши ёртлы да мукӧд коммунистъяслы. Керкасӧ, кӧні судыс мунӧ, кытш пиӧ босьтӧмаӧсь пӧлича отрядъяс. Найӧ кутӧны суд вылӧ мырдӧнпырысь рабочӧйясӧс. Залыс, кӧні лыддисны приговорсӧ, дзик вӧлі тыр йӧзӧн. Суд судитіс Ракоши ёртӧс 8 во да джын кежлӧ тюрмаын пукӧдны; Вейнбергер ёртӧс 8 во кежлӧ, Эриӧс 4 во кежлӧ, Гегешӧс 3 во да джын кежлӧ. Мукӧд 21 коммунистсӧ судитісны кык во да джынсянь 10 тӧлысьӧдз пукавны тюрмаын.

Рабочӧй социалист партияысь мыжалана йӧзсӧ судитісны: Вагиӧс да Вейсгаузӧс 1 во пукавны тюрмаын, куимӧс 3 тӧлыссянь кӧкъямыс тӧлысьӧдз, 20-ӧс оправдайтісны.

Ракоши ёртлӧн защитникъясыс кӧсйӧны ыстысьны водзӧ (обжалуйтны) приговорсӧ чинтӧм кузя. Найӧс мыждысьыс кӧсйӧ жӧ ассяньыс водзӧ ыстысьны, вывті пӧ мыждана йӧзсӧ омӧля судитісны да.