ГЕРМАНИЯСА РАБОЧӦЙ ДЕЛЕГАЦИЯ РЫКОВ ЁРТ ОРДЫН

Мӧскуа. Август 11-ӧд лунын германияса рабочӧйяс делегация воліс Рыков ёрт ордӧ. Рыков ёрт висьталіс Сӧвет государство политика йылысь, бура тӧдмӧдіс найӧс Сӧвет Союзын овмӧс кыпӧдӧмкӧд, промышленносьт ёнмӧдӧмкӧд. Делегатъяс юалісны Рыков ёртлысь СССР-ын рабочӧйяс уджалан дон йылысь. Рыков ёрт шуис: ӧні пӧ рабочӧйяслӧн уджалан дон соді нин, войнаӧдз кутшӧм вӧлі, сэтчӧ нин матысмӧ. Дерт, сійӧ доныс пӧ этшаджык на. Тайӧ локтан вояснас пӧ ми надейтчам ещӧ на содтыны рабочӧйяслы уджалан дон. Сэсся делегация юалӧм вылӧ Рыков ёрт висьталіс СССР-са пукалан керкаясын (в домах заключения) пукалысь меньшевикъяс да эсеръяс йылысь: уна-ӧ арестуйтӧма найӧс, мый вӧсна арестуйталӧма, налысь революциялы паныд нуӧм удж йывсьыс да сідз водзӧ.

Делегатъяс кӧсйысисны Германияас мунӧм бӧрын ставсӧ лючки, збыль висьтавны рабочӧйяслы СССР-са олӧм йылысь.