КЫДЗИ МИ НУӦДАМ ВУЗАСЬӦМ-НЬӦБАСЬӦМ УДЖ МУКӦД ГОСУДАРСТВОЯСКӦД

Тайӧ кӧзяйственнӧй вося (октябр 1-ӧд лунсянь 1925 воын) первой во джыннас ми вузалім заграничаӧ тӧваръяс 298½ миллион шайт дон. Сійӧ тӧваръяс письыс няньсӧ вузалӧма заграничаас 80 миллион шайт гӧгӧр.

Сійӧ каднас жӧ заграничаысь пыртім СССР тӧварсӧ 336 миллион шайт дон. Медунасӧ заграничаысь вайӧма быдсяма пӧлӧс машинаяс: пабрик-заводъяс вылӧ, гырысь видз-му уджалан машинаяс да мукӧд пӧлӧс. Сэсся зэв уна вайӧма лои кутшӧмсюрӧ сырьёяс миян пабрик-заводъяс вылӧ (резина, хлопок да мукӧд пӧлӧс, кодъяс миян абуӧсь либӧ оз тырмы). Машинаяссӧ да сырьёсӧ ставсӧ тайӧ кадас лои вайӧма 252 миллион шайт дон. Колян сьӧм вылас вайӧма ситеч-ной, кӧрта кӧлуй да мукӧдтор.