ПОШТА КУД

Керас. Хрену. Регыдӧн избач, дерт, эз на вермы тӧдмасьны да пуктыны уджсӧ бура.

Сюзяыб. Ӧкуль пилы. Позты. Баярса Иванлы. Стихотворенньӧястӧ сетім КАПП-ӧ.

Висерса кач сёйысьлы. Викса шлен кӧ лёка уджалӧ, колӧ корны уездувса исполкомлысь, мед сійӧ лэдзас бӧрйыны срокӧдз выль шленӧ.

Койгорт. Сюсь мортлы. Шленъяс кӧ мунӧны собранньӧ вылысь, асьныс мыжаӧсь.

Шорйыв. Наслы. Межадор. Крестьянскӧйлы. Вывті водз петӧмысь бурыс нинӧм абу.

Пезмӧг. Сиктса нывлы. Гижны позьӧ быдӧнлы.

Керчомъя. Том йӧз пиын олысьлы. Стихъясыд абу шогманаӧсь. Гижӧмыд оз артмы, мӧдӧдав прозаӧн.

Ыб. Ен кок йирысьлы. Таво налог пондас босьтсьыны тшӧтш нажӧткаясысь. Дякӧн йылысь колӧ висьтавны налогӧвӧй комиссиялы.

Важкуа. Гӧгӧрвоысьлы. Гиж, кытчӧ-мый вылӧ секретар бергӧдіс уджалысьяслысь 20 урнас. Бергӧдаліс кӧ ӧд, висьталіс жӧ, кӧнкӧ, мыйла бергӧдӧ.

Лӧзым. Селькорлы. Сельсӧветса юралысьӧс вежлӧм йылысь сёрни колӧ кыпӧдны скод вылын да ыстысьны волисполкомӧ.