АНГЛИЯКӦД ВУЗАСЬӦМ СОДӦ

Ӧткымын капиталист чукӧръяс Англияын зэв ёна мунӧны паныд Сӧвет республикакӧд тӧргуйтӧмлы дай кыдз-мый вермӧны торкӧны тӧргуйтан уджсӧ СССР-а-Англияа кост. Сӧмын уна капиталистъяс миянкӧд ёна зільӧны нуӧдны вузасян удж. Ӧні зэв гырысь озыр англияса пабрика кутысьяс сетісны тӧварсӧ СССР-лы уджӧн важ серти дырджык кежлӧ.

Бӧръя кык вежоннас СССР да англияса капиталистъяс кост вӧчӧма договоръяс тӧвар вузалӧм вылӧ уна миллион шайт дон. 1925ʼ воын текстильнӧй синдикат Англияысь ньӧбис тӧварсӧ 50 миллион шайт дон гӧгӧр, а таво ӧкмыс тӧлысьнас ньӧбис нин сизимдас миллион шайт гӧгӧр.