СӦМЫН КРЕСТЬЯНАӦС ГӦР ПОМЫСЬ

Крестьяналы быд губерняын, обласьтын сетӧма кымынкӧ места курортъяс вылын лечитчыны. Кӧнсюрӧ лечитчыныс ысталӧны оз прамӧй крестьянаӧс, гӧр помын уджалысьӧс, а волисполкомъясын, сельсӧветъясын да мукӧдлаын уджалысьясӧс. Ӧні дзоньвидзалун кутан Комиссариат (Наркомздрав) тшӧктіс бӧръян комиссияяслы ыстыны курортъяс вылӧ сӧмын крестьянаӧс да крестьянкаясӧс гӧр помысь, кодъяс сӧмын асланыс кӧзяйствоясын уджалӧны. Кутасны кӧ курортъяс вылӧ крестьяналы сетӧм местаясӧ водзӧ ыставны служащӧйясӧс, дзоньвидзалун кутан Комиссариат мыжаяссӧ кутас сетны судӧ, а курорт вылас локтысь йӧзсӧ бӧр гортас ыставны. Курортъясыслы дзоньвидзалун кутан Комиссариат тшӧктіс лючки гижавны, кутшӧм удж уджалӧны локтысь крестьянаыс.