ЯПОНИЯЫН ЙӦЗЫС КЫПӦДЧӦНЫ

Токио. Нагано карын (зэв ыджыд кар Япония шӧрын) чукӧртчӧмаӧсь зэв уна йӧз, морт 5 сюрс гӧгӧр да жугӧдлӧмаӧсь губернаторыслысь оланінсӧ дай пӧличаса комиссарыслысь управленньӧсӧ. Жугӧдлігас йӧзыс косясьӧмаӧсь пӧличакӧд. Косясигӧн ранитчӧмаӧсь 100 морт гӧгӧр, на пиын 20 пӧличейскӧй. Губернаторсӧ да пӧличаса комиссарсӧ зэв ёна нӧйтӧмаӧсь. Йӧзыс сэсся содӧма 10 сюрс морт гӧгӧрӧдз. Найӧ заводитӧмаӧсь жугӧдлыны пӧличаысь уджалысьясыслысь оланінъяссӧ. Пӧлича нинӧм абу вермӧма вӧчны тайӧ йӧзыскӧд. Сӧмын рытнас мӧд карысь локтӧмаӧсь жандармъяс да вермӧмаӧсь разӧдны йӧзсӧ.