ЯПОНИЯСА КАПИТАЛИСТЪЯС ПӦРЪЯСЬӦНЫ

Август 1-ӧд лун кежлӧ Нагасаки карӧ (Японияын) чукӧртчӧ конференция. Тайӧ конференция вылас чукӧртӧ Япония представительясӧс став азияса государствояссьыс. Японияыс асьсӧ лыддьӧ азияса йӧзӧс дорйысьӧн. Японияса представительяс шуӧны, Индиялы пӧ зэв сьӧкыд овныс англияса капиталистъяс кипод улын. Англияса капиталистъяс пӧ ёна дзескӧдӧны индияса йӧзӧс.

Дерт, Индияын овны англияса капиталистъяс кипод улын вывті сьӧкыд, сӧмын оз ков Япониялы сы йылысь сёрнитны. Японияса капиталистъяс асьныс медъёна дзескӧдӧны азияса йӧзсӧ. Найӧ босьтӧмаӧсь ас кипод улас Корея да йӧзыслы сэтысь лолыштнысӧ прамӧя оз лэдзны. Китайын японияса капиталистъяс сідз жӧ зільӧны нетшыштны аслыныс ыджыдджык бурджык кусӧк. Сӧмын та йылысь Японияыд оз сёрнит.

Сӧмын конференция вылын Япониялысь лицемеритӧмсӧ, буракӧ, йӧзӧдасны. Китайса делегация конференция вылас кӧсйӧ кыпӧдны сёрни неравноправнӧй договоръяс йылысь Китайкӧд. Японияыс Китаяс пыр жӧ зілис увтыртны китайса йӧзсӧ да лӧсьӧдавны Китайыскӧд сійӧс дзескӧдӧмӧн асланыс бур договоръяс (неравноправнӧй).

Японияса капиталистъяслы ӧні пӧръявны некодӧс оз удайтчы.