МУДЗӦМАӦСЬ

Коми гижӧм бурмас, паськалас, шылялас сэк, кор лоӧны унджык бура гижысьяс. Чорыдджыка вермасны босьтчавны, отсавны уджсӧ водзӧ нуӧдны томджык йӧз пиысь, ӧнія войтыр пиысь. Важ гижысьяс ёна нин мудзӧмаӧсь, лёталӧмаӧсь. Колӧ налы сетны отсӧг, колӧ содтыны коми гижысьяслысь чукӧр.

Таво селькор съезд вылын ёна сёрнитісны коми гижӧм паськӧдӧм йылысь, сэні КАПП правленньӧ доклад бӧрын тӧдчӧ вӧлі том войтырлӧн коми гижӧм лӧсьӧдан удж бердӧ кутчысьӧм. Но сэтчӧ эз волыны (гашкӧ нӧ эз вермыны), эз тӧлкуйтны коми том войтыркӧд мукӧд важ коми гижысьяс. Кымынкӧ гижысь волісны сӧмын съезд воссян лунас, чолӧмбыттьӧяс асланыс стихъясӧн висьталісны.

Тайӧ петкӧдлӧ, ме ногӧн кӧ, важ гижысьяслысь ёна мудзӧмсӧ. А коді нӧ медводзвылас мунас, нырщикалас, индалас миянлы, том гижысьяслы, туйяссӧ? Дерт, важ коми гижысьяс. Сӧмын сэк том коми гижысьяс вермасны бура отсавны паськӧдны, водзӧ нуӧдны коми гижӧм лӧсьӧдан удж, отсаласны коми йӧзлы петны югыдлань, долыд гажа олӧмлань.

Симаков И. Н.