ВОЙСКАЫС ПЕРСИЯЫН БУНТУЙТЧӦНЫ

Тегеран. Дыр абу мынтӧма правительствоыс жалӧванньӧсӧ войскаыслы да, войскаыс Персияын кутӧмаӧсь дӧзмыны. Ӧти карын салдатъясыс лэптӧмаӧсь восстанньӧ, виӧмаӧсь ассьыныс начальниксӧ дай босьтӧмаӧсь Хой кар. Сыкӧд ӧтпырйӧ восстанньӧ вӧчӧмаӧсь салдатъясыс Хорасанскӧй провинцияын. Кыпӧдчысь войска пиас уджалӧны мукӧд государствоса агентъяс. Мед восстанньӧсӧ вӧчӧмсьыс кутасны мыждыны бара СССР-ӧс, сійӧ агентъясыс кыпӧдчӧм салдатъяс пиас висьтавлӧны, колӧ пӧ шыбитны правительствосӧ да лӧсьӧдны Сӧвет власьт. Тегеранас ӧні сёрнитӧны, быттьӧ пӧ Англия вӧзйӧ удждыны персияса правительствоыслы сьӧм пӧдтыны кыпӧдчысь войскаяссӧ.