МИНИСТРЪЯС‐КАПИТАЛИСТЪЯС

Лондон. Рабочӧй партия «Ленсбери Уикли» нима газетын неважӧн печатайтӧмаӧсь вӧлі англияса министръяс йылысь. Вӧлӧмкӧ унджык министръясыс пырӧмаӧсь акционернӧй обществоясӧ да босьталӧны зэв гырысь доходъяс (акционернӧй обществоясыс кутӧны пабрик-заводъяс да рабочӧйяслысь дон чинтӧмӧн да мый да обществоас пырысь шленъясыс босьтӧны зэв ыджыд барышъяс).

Болдуиныс (англияса правительствоас юралысьыс) вӧлӧма жӧ из шом перъян акционернӧй обществоын, пуктӧма зэв уна сьӧм сэтчӧ (кымын уна сьӧм пуктӧны обществоас пырысь йӧзыс, сымын уна босьтӧны доход).

Сійӧ акционернӧй обществоыс вывті ыджыд прибыльяс босьтавлӧма. Бӧръя нёль вонас сійӧ обществоыс ёна нин правительстволысь корӧма нюжӧдны из шом перйысь рабочӧйяслысь уджалан лунсӧ. Ӧні Болдуиныд сӧмын аслас акционернӧй обществоыслысь корӧмсӧ вӧчӧ дай уджалан лунсӧ нюжӧдӧмнас аслас зептыс ещӧ на ёна кутас тырны.