АНГЛИЯСА МИНИСТРЪЯС ВОӦНЫ СССР ВЫЛӦ

Англияса из шом перйысь рабочӧйяс бастуйтігӧн став сӧвет республикаяс пасьта рабочӧйяс да крестьяна пыр отсалісны дай отсалӧны на англияса рабочӧйяслы. Сійӧ, дерт, вывті оз во сьӧлӧм вылас англияса капиталистъяслы да англияса правительстволы. Найӧ кыдз-мый вермӧны зільӧны лёк вӧчны миянлы. Найӧ повзьӧдлӧны миянӧс вузасьӧмысь сӧвет государствокӧд дугдӧмӧн, сэсся повзьӧдлӧны ассьыныс купечьяссӧ да фабрикантъяссӧ. Сӧвет государствокӧд пӧ вузасьӧм удж нуӧдны оз позь, найӧ пӧ оз кутны тӧваръяс вылад мынтысьны.

Тайӧ, дерт, ставыс пӧръясьӧм. Миян вузасьӧм Англиякӧд пыр паськалӧ. Тӧваръясысь ми пыр мынтысям кадын, некор на эгӧ сёрмылӧй. Ассьыным вузалӧм тӧвар Англияӧ кадын жӧ. Тайӧс тӧдӧны став миянкӧд вузасян удж нуӧдысь англияса дай мукӧд государствоса купечьясыс, фабрикантъясыс.