КРЕСТЬЯНА КЫПӦДЧӦНЫ КАПИТАЛИСТЪЯС ВЫЛӦ

Токио. Крестьяна да помещикъяс кост зыртчӧм пыр ӧтарӧ содӧ Япония пасьта. Помещикъяс отсӧгӧн мырддялӧны крестьяналысь муяссӧ, оз кӧ найӧ вермыны мынтыныс арендуйтан донсӧ. Быд лун юӧртӧны крестьянаӧн вӧчӧм демонстрацияяс йылысь. Крестьянаыс Японияын жугӧдлӧны помещикъяслысь да чиновникъяслысь керкаяссӧ. Унаысь крестьяна волӧны косьӧдз пӧличакӧд, уна крестьянаӧс арестуйтавлӧны.

Крестьяна ассьыныс челядьсӧ босьталӧны правительствоӧн кутан школаяссьыс. Уналаын крестьянаыс аслыныс лӧсьӧдалӧмаӧсь школаяс. Сійӧ школаясыслы сьӧмӧн отсалӧны японияса крестьяна союз. Крестьяна школаяссӧ лӧсьӧдігӧн кутӧны лозунг: «Крестьяналы колӧны аслыныс школаяс лӧсьӧдавны, сэні рабочӧйясӧн да крестьянаӧн дорйыны».

Капиталистъяс ёна повзьӧмаӧсь.