ВӦЧИМ ПӦЖАРНӦЙ САРАЙ

Миян Сюзяыбын (Висер в. Кулӧмдін у.) пӧжарнӧй сарай вӧлі дзикӧдз киссьӧма. Некодлы быттьӧ мог эз вӧв сійӧс лӧсьӧдны. Исполком узис, дай ми тшӧтш. Юнь 2-ӧд лунӧ скод вылын ӧти крестьянин сёрни кыпӧдіс пӧжарнӧй сарай стрӧитӧм йылысь, мӧд отсаліс, кватитіс и коймӧд, сэсся сарай стрӧитны гӧлӧс пыр соді да соді. Ӧти здукӧн бӧрйӧма лои старӧстаӧс артельнӧй удж пӧжарнӧй сарай стрӧитігӧн нуӧдны. Аскисяньыс жӧ йӧз босьтчисны удж бердӧ: коді тьӧс вӧчӧ, коді кер вайӧ, коді тшупӧ. Лун куим бӧрын пӧжарнӧй сарай артмис. Со кутшӧм регыдӧн верман вӧчны артельӧн зэв буртор.

Лад. Дедов.