НУӦДАМ ЭЛЕКТРИЧЕСТВО

Айкатыла (Емдін у.) вӧлӧсьтын 1924 восянь эм электричество лӧсьӧдан тӧварищество. Ӧні тӧвариществоас 185 морт. Тӧвариществолӧн эм электрическӧй машина. Шлен керкаясӧ нуӧдӧмаӧсь электричество. Став крестьянаыслы тӧвариществоас эз на вермы нуӧдны электричествосӧ да, сы понда пӧльзаыс таво тӧв воис этша. Тӧвнас тӧварищество босьтіс ВИК-лысь электрическӧй станция улӧ важ школа 120 шайтысь. Шленъяс выльысь лэптісны керкасӧ дон босьттӧг. Станция эштӧм бӧрас кӧсйӧны лӧсьӧдны электричество вынӧн пызь изан мельнича да мастерскӧйяс. Сэки тӧвариществолы пондас воны унджык барышыс.

Максе Вань.