ЛОӦМТОРЪЯС

Нёбдінса Виттор юнь 20-ӧд лунӧ муніс Висер вожӧ чукӧртны да гижавны коми сьыланкывъяс, мойдъяс, висьтъяс. Кывъяс кындзи, сійӧ пондас гижавны тшӧтш и сьыланногъяссӧ (мотивъяссӧ).

— Агитпроп Обком ВКП-лӧн юнь 24-ӧд лунӧ кывзіс КАПП-лысь доклад да шуис: КАПП пӧ ӧні миянлы зэв колантор, колӧ пӧ отсасьны сылы бура уджавны, колӧ пӧ арсянь босьтчыны лэдзны быд тӧлысьын ӧтчыд коми литература журнал, та вылӧ лэдзны колӧ сьӧм.

— Ӧнӧдз КАПП-ӧ пырисны 29 коми гижысь; 20 морт — карын олысьяс, ӧкмыс морт — сиктын олысьяс.