ПӦЖАРЪЯСКӦД ВОДЗСАСЬӦМ

Государство пытшкӧсса удж нуӧдысь Комиссариат юӧртіс местаяс квайт вося план йылысь сиктъясса пӧжарнӧй командаяс лӧсьӧдӧм кузя.

Юӧртӧмас гижӧма: быд пӧжарнӧй дружина пӧ колӧ лӧсьӧдны 300 керка вылӧ кымын. Быд сиктса пӧжарнӧй дружиналы колӧ лӧсьӧдны медэтшасӧ кык пӧжарнӧй машина да 100 метр кузя рукавъяс.

Машинаяс ньӧбӧм вылӧ колӧ сьӧмсӧ босьтны Госстрахлысь страхуйтӧмсьыс воӧм барышысь, сэсся вӧлӧсьтса сьӧм сы вылӧ колӧ торйӧдыштны, крестьяна пӧвстысь чукӧртны, спектакъяс вылысь да мукӧдлаысь. Волисполкомъяслы колӧ зільны унджык сьӧм торйӧдны пӧжаръяскӧд водзсасян удж вылӧ.