ИЗ ШОМ ПЕРЙЫСЬ РАБОЧӦЙЯСЛӦН БАСТУЙТӦМ

Англияса правительство быд ногыс зільӧ венны бастуйтысь из шом перйысь рабочӧйясӧс. Правительствоас юралысьыс Болдуин дугдывтӧг нуӧ сёрни капиталистъяскӧд да рабочӧйясӧс вузалысь юръясыскӧд бастуйтӧмысь рабочӧйясӧс дугӧдӧм кузя. Сэсся сійӧ зільӧ чинтыны рабочӧйяслысь уджалан донсӧ 13%, содтыны уджалан лунсӧ ӧти час кежлӧ, дай кӧсйӧ тупкыны зэв уна шахтаяс (из шом перъянінсӧ). Шахтаяссӧ кӧ тупкаласны, уна сюрс рабочӧй бара кольӧны уджтӧмӧсь.

Из шом перйысь рабочӧйяс чорыда сулалӧны. Ӧнӧдз на пыр бастуйтӧны 1 миллион да 200 сюрс из шом перйысь рабочӧй. Овмӧс нуӧдан уджыс Англияын эз на вермы прамӧя сувтны забастовка вӧсна. Пабрик-заводъяс, кӧрт туйяс из шом тырмытӧм вӧсна оз на пыр уджавны. Правительствоыс зільӧ судзӧдны из шомсӧ мукӧд государствоясысь.