КОМИ СЕВЕРОЛЕСЫН

— Таво кежлӧ Северолеслы вӧлі тшӧктӧма лэдзны 700,000 кер да 1,150,000 шпал. Ӧнӧдз лэдзӧма 759,177 кер да 989,352 шпал. Тайӧ лэдзӧм вӧрсӧ ӧні кылӧдӧны нин. Неуна вӧрыс заводитӧма косьмыны Висер да Луза юяс кузя.

— Апрель 1 лунсянь Северолеслы вӧр пӧрӧдысьяс да пур кылӧдысьяс страхуйтчӧны Соцстрахкассаын. Уджалігӧн кӧ кодкӧ доймас, отсӧг сылы кутас сетсьыны страхкасса пыр.

— Моль кылӧдысьяс оз страхуйтчыны.

— Северолеслы кер лэдзигӧн таво тӧв висьмыліс 53 морт, ёна доймыліс 17 морт, омӧля доймыліс 158 морт. Ставыс налӧн воши 3086 уджалан лун. Сэтысь ставыслы Северолес мынтіс 4,044 шайт да 17 ур. Вӧвъяс висьмылісны да доймылісны 30-ысь, ставыс эз вермы уджавны 391 лун. Сэтысь Северолес мынтіс 671 шайт да 5 ур.

Сэсся кер дінын уджалігӧн кулі нёль морт да 3 вӧв. Сэтысь Северолес мынтӧма ставсӧ 466 шайт да 42 ур.