КОЛӦ ТӦДМАЛӦМӦН УДЖДАВНЫ СЬӦМ

Ыбса (Сыктыв у.) удждысян тӧварищество сетӧма 50 шайт сьӧм нем думышттӧг Ёльса Конӧ Иван Василейлы видз-му уджалан кӧлуй судзӧдны. Василейлӧн эм кык сыысь ыджыдджык вок. Налысь тӧварищество абу и юалӧма, колӧ-ӧ сетны сьӧмсӧ. Конӧ Иван Василей удждӧм сьӧм вылӧ быд рыт ӧні кодалӧ да став том йӧзсӧ юкталӧ, быд код юрӧн крестьяналысь ӧшиньяс лэдзӧ, ветлысь-мунысь йӧзлысь додьсьыс мыйсюрӧ мырддялӧ. Уна делӧысь нин сійӧ судын, дай лунысь лунӧ мыжыс сылӧн содӧ. Удждысян тӧвариществолы вӧлі колӧ видзӧдлыны, кодлы сійӧ сетӧ сьӧмсӧ, думыштны, мый вылӧ мунас Конӧ Иван Василейлӧн удждан сьӧмыс.

Шлен.