ОБПЛАНЫН

Обласьтувса планӧвӧй комиссия лӧсьӧдӧ обласьтӧ электричество нуӧдан план. Войдӧр босьталӧны лыд вылӧ гырысьджык вӧлӧсьтъяс, кытчӧ колӧ сувтӧдны электрическӧй станцияяс.

Медводз станцияяс кӧсйӧны стрӧитны Улыс Човйӧ, Кулӧмдінӧ, Пальӧ, Колваӧ (Изьваын), Визинӧ и Леткаӧ. Таво жӧ лӧсьӧдасны электрическӧй станциясӧ Сыктывдінкарын вӧр пилитан завод бердӧ. Бисӧ дай вынсӧ мукӧд уджъясӧ сійӧ станцияыс кутас сетны карыслы дай Кӧдзвыв вӧлӧсьтлы.

Тайӧ станцияяс стрӧитӧм бӧрын кӧсйӧны стрӧитны Межадорӧ, Помӧсдінӧ, Кывтываӧ, Печӧраса тӧчила перъян гӧраӧ да паськӧдны Нювчимса станция.

Коймӧд ӧчередьын кӧсйӧны стрӧитны Керчомъяӧ, Сереговӧ да Красноборскӧ.