КОМИ СЕЛЬКОРЪЯСЛӦН ЧУКӦРТЧӦМ

Нёль лун чӧж уджаліс коми селькоръяслӧн медводдза чукӧртчӧм. Съезд вылӧ воліс 64 морт, на пиысь 52 селькор. Уна сёрни вӧлі съезд вылын. Медъёна сёрнитісны газет бурмӧдӧм йылысь. Селькоръяс шуисны ёнмӧдны коми газет, лэдзны «Коми сикт» кыкысь-куимысь вежоннас, гижны газетӧ комиӧн. Сэсся съезд вылын селькоръяс шуисны ӧтувтчыны селькоръяс кружокъясӧ, коммунист партия да сӧвет власьт гӧгӧр, отсавны сӧвет власьтлы сиктъясын удж нуӧдны да мукӧдтор йылысь.

Съезд помасис май 14-ӧд лунӧ. Бӧръя заседанньӧ вылын почётнӧй селькоръясӧ бӧрйисны Савин ёртӧс да Минин ёртӧс.