КЫДЗИ ОВНЫ НӦБАСИГӦН

Морт нӧбасьӧ 9 тӧлысь. Кагаыс мам рушку пытшкас олӧ мам вирнас. Мамыслӧн кӧ бур лоӧ сэки вирыс, кагаыс бура быдмас рушкуас дай бӧрнас дзоньвидзалуныс бур лоӧ. Сэсся кымын дзоньвидзаджык мамыс нӧбасигас, сымын кагаыс мам рушкуас быдмас бура да дзоньвидза.

Нывбабаяслы нӧбасигӧн колӧ сёйны унджыкысь, сӧмын ичӧтикаӧн, видзчысьны колӧ вина да сур юӧмысь, уна пызя тор да зэв сыла (жыра) тор сёйӧмысь. Нӧбасьысьяслы колӧ кутны асьнысӧ зэв сӧстӧма, тшӧкыдджыка колӧ асьнысӧ мыськавны. Колӧ видзчысьны кӧдзыд ваын купайтчӧмысь — сэтысь вермас кагаыд шоймыны. Нӧбасьысьяслы колӧ быд лун ветлыны ывла вылын, сӧмын оз ков зэв мудзтысьны. Налы позьӧ уджавны, сӧмын сьӧкыдторъяс оз позь лэптавны да вынсьыд уна уджавны.

Мукӧдсӧ нӧбасигас унаысь восӧдӧ либӧ лолӧ запоръяс. Сэки колӧ лечитчыны врач велӧдӧм серти.