ОМӦЛЯ ВЕЛӦДӦ

Венибса (Койгорт в. Сыктыв у.) школа вӧлі пӧдса вит во. Таво январ тӧлысьӧ школа бӧр воссис. Велӧдӧ ӧти морт Лодыгина П. И. Школаын нигаяс да мукӧд велӧдчан кӧлуй зэв этша. Школа патерасьыс мынтӧны Венибса крестьяна асьныс. Лодыгина велӧдӧ челядьӧс зэв омӧля. Велӧдӧ луннас сӧмын час-мӧд. Пыр сылӧн кор юрыс, кор кынӧмыс висьӧ. Коляс ас пыддиыс велӧдны велӧдчысь Лодыгинӧс, а ачыс петас водыштлыны. Субӧтаясӧ Лодыгина асывсянь мунӧ гортас, Койгортӧ. Ӧні тулыснас мукӧд школаясын лэдзавлісны апрель 24-ӧд лунсянь май 6-ӧд лунӧдз, а Лодыгина заводитіс велӧдны май 10-ӧд лунсянь. Сідз нин Венибса школаад сёр восьтӧмысла этша лои велӧдӧмыс, а Лодыгина ёрт ещӧ на вывті ёна велӧдан лунъяссӧ колялӧ.

Ёрт.