ОШЪЯС СЁЙӦМАӦСЬ КУИМ МӦС

Шожымса (Айкина в. Емдін у.) крестьянин Микаль Петриклысь май 28ʼ лунӧ сёйис ош куим мӧс дай ялавич. Крестьяниныслӧн сэсся мӧскыс эз коль. Ӧти бабалысь мӧссӧ ошкыс гыжъялӧма жӧ да, кыдзкӧ вермӧма пышйыныс. Колян воӧ Айкина вӧлӧсьтулысь мӧс 10 сёйліс ошкыд. Таво гӧжӧмбыднас уна на мӧс вевъялас сійӧ сёйны, ыджыд рӧзӧра вӧчас сійӧ крестьяналы. Колӧ кыдзкӧ ёнджыка кутчысьлыны Союз окоталы вермасьны ошъяскӧд, а медбур эськӧ вӧлі, страхуйталісны кӧ эськӧ крестьяна ассьыныс скӧтнысӧ. Страхуйтӧм бӧрад и ош сёйӧмсьыд оз ков повны ни мукӧд приччаысь.

С. В.