КУТШӦМ НИМ ЖУРНАЛЛЫ ПУКТЫНЫ

...Водз тулыс олігӧн Пармаын визувтліс-чольгыліс ичӧтик шор (нимыс тай сылӧн сэтшӧм жӧ ичӧтик вӧлі — «Парма ёль»).

Водз тулыс писькӧдчыліс, босьтчыліс визувтны сійӧ, лым увтіыс на, парма, вӧр пу вужъяс увтіыс визувтліс... Кӧсйыліс петны, ассьыс сӧстӧм югыд васӧ петкӧдны кӧсйыліс ыджыд ю вылӧ да... Эз тай во сылӧн ваыс паськыд юӧдзыс: воши, лым улас йиджис, лымйыскӧд сорасис, кынмис...

Некод эз и аддзыв, эз кывлы сылысь чольгӧмсӧ, гӧгӧр сулалан вӧр пуысь кындзи.

— Сывдӧй кын ёльсӧ бӧр пӧсь сьӧлӧмнаныд, шоныд лов шынаныд! Ӧні ӧд абу нин буракӧ кын олӧм, ӧні ӧд миян «Шондіӧн ӧвтан страна!»

Сывдӧй кын ёльсӧ, мед бӧр визувтны босьтчас, мед паськыд ыджыд юӧ пӧрас, шывгыны кутас Ыджыд Ӧтласа Саридзӧ, ваяссӧ ассьыс лэдзалас, содтас.

Мед чукйӧсӧн визувтны мӧдӧдчас сійӧ, тувсов визув Ытва ваӧн бузгас мед!

Мед жӧ и нимыс тшӧтш сылӧн «Ытва» ним лоас! Ытва ватӧг оз лыбны «увтас пуръясным» миян!

В. Ч.