СОТЧИС КОТЕЛЬНИЧ КАР

Май 26 лунӧ, 10 часын, Котельничын (Вятскӧй губерняын кар) заводитчис сотчыны Зайцевлӧн керка. Би регыд паськаліс Хлебопродукт да Кустселькредитсоюз складъяс вылӧ. Час мысти став карыс заводитчис сотчыны нин. Би паськалі став кар пасьта. Пӧжарнӧй команда эз вермы ӧткӧн вермасьны бикӧд. 12 часын Вяткаысь воисны отсӧг вылӧ пӧжарнӧй командаяс. Би паськалӧм вермисны сувтӧдны сӧмын 3 часын, асывнас май 27 лунӧ нин.

Пӧжар дырйи сотчис став шӧрса кварталъяс, сотчисны 80 (унджыкыс каменнӧй) коммунальнӧй керка да 150 мукӧд керка. Сотчисны электростанция, телеграф, типография, театр, кино, музей, библиотекаяс, 6 школа да став сӧветскӧй учрежденньӧяс, сӧмын коли Уисполком. Сотчис став тӧваръяс. 6–7 сюрс морт колины керкаястӧг. Пӧжар вайис 10 миллион шайт убытка.

Вятка губерняса исполком лӧсьӧдӧ отсӧг сотчысьяслы, восьтӧма столӧвӧй, сотчысьясӧс мӧдӧдӧмаӧсь матысь деревняясӧ да заводъясӧ.