ВУ-У-У-ДЖ-Ӧ-Ӧ-Ӧ-Д-Ӧ-Ӧ-Ӧ-Й

Пальса (Емдін у.) исполкомлӧн Эжва да Пожӧг ю вомӧн вуджӧдлыны медалӧма вуджӧдчысьясӧс. Вуджӧдчысьяс олӧны Даньдор сиктын. Тулысын ыджыд ва дырйи Даньдорсянь ва вывті колӧ мунны 6 километр Придаш сиктӧдз. Йӧз ветлӧдлӧны ёна, сӧмын ветлӧмысь веськыд мат. Паракод гӧлӧс кӧ эськӧ и кылӧ Придаш сиктсянь Даньдорӧдз, а морт гӧлӧсыд оз во вуджӧдчысьяс пельӧдз. Медся ёна матӧ волӧ вуджӧмысь Проньдорса письмӧ новлӧдлысь. Сылы колӧ быд вежон кыкысь волыны пристаньӧ босьтны да сетны паракод вылӧ пошта. Придашса йӧз эськӧ и вуджӧдасны, шайт кык кымын кӧ сетан, да сідзнад письмӧ новлӧдлысьлы ковмас тӧлысьнас видзны 16 шайт. 15 шайтӧн босьтысьыдлы ас тшӧт вылӧ ветлыны сьӧкыд. Уиклы колӧ лӧсьӧдны пыж либӧ ветлӧм дон письмӧ новлӧдлысьлы.

Проньдор вӧлӧсьтса.