ЫБСА КООПЕРАТИВ

Ыбса (Сыктыв у.) кооперативын 430 шлен, на пиысь 56 нывбаба. Колян арӧ кооператив восьтіс отделенньӧ Гыбад сиктӧ. Тӧварла лавкаӧ лэччывлӧны зэв тшӧкыда. Куйлан тӧвар абу уна. Шленъяс мый дон ньӧбасясны, приказчикыс сы дон сетӧ марка; маркаяс сертиыс во джын бӧрын сетсяс 5% скидка.

Во джынйӧн кооператив вузалӧма тӧвар 28.682 шайт дон. Барыш тайӧ каднас босьтӧма 2.298 шайт 74 ур. Пушнина да сырьё заптӧма 5.728 шайт дон. Колян гожӧм ёна повзьӧдчис ош да, таво тӧв шленъяс шуӧм серти кооператив дорӧдіс кык ош капкан. Кооператив стрӧитӧ лавка. Лавкасӧ стрӧитӧмӧ видзӧма 1.297 ш. 4 ур. Эм 2 племеннӧй порсь. Порсь вердӧмыс кооперативлы во джынйӧн сувтӧма 101 ш. 71 ур. Кооператив судзӧдӧ 5 «Крестьянскӧй газета», 2 «Югыд туй», 1 «Коми сикт» да 1 «Кооперативнӧй путь». Газет разӧдсьӧ шленъяс пӧвстӧ.

М. Ӧ. Конюков.