ВОЛСЯСА КОММУНИСТ ПАРТИЯ ЯЧЕЙКА

Волсяса (Сыктыв у.) коммунист партия ячейкаын 9 морт. Шлен лыдыс эськӧ унджык нин вӧлі, эз кӧ Уком босьтав миян ячейкаысь уджавны йӧзсӧ (бӧръя тӧлысьяс на мунісны 3 морт). Вын серти ячейка мый вермӧ уджалӧ. Ячейка ышӧдіс крестьянаӧс лӧсьӧдны машиннӧй тӧвариществояс; ӧні Волсяын эм 3 машиннӧй тӧварищество. Тӧвнас шленъяс велӧдчисны школа-передвижкаын. Школасӧ кончитісны 6 морт, 3-ыс эштытӧм вӧсна эз вермывлыны велӧдчыны волывлыны да эз кончитны.

Унджык собранньӧяс вылас вӧлі сёрнитӧма крестьяна костын удж нуӧдӧм йылысь.

Ӧкмыснан мортсӧ ячейкасянь индӧма уджавны вӧлӧсьтувса учрежденньӧясын. Ячейкаӧ сетӧма 2 заявленньӧ партияӧ пырӧм йылысь. Заявленньӧясыс видлавтӧм на. Морт 3–4 вуджасны партияӧ комсомолсянь.

Секретар Лучкин.