ЧАСТУШКАЯС

Унаысь кывлывлан, кыдзи коми сиктъясын нывъяс корсюрӧ сьылӧны дженьыдик сьыланкывъяс — быдторсӧ сэтчӧ гудравласны. Сэтшӧм посньыдик сьыланкывъясыс шусьӧны (рочӧн) частушкаясӧн.

Частӧ овлывлӧ частушкаяссӧ сьылӧны рочӧн, сӧмын роч кывсӧ бертлӧдлӧны зэв ёна.

Ӧні ми лэдзам кымынкӧ сэтшӧм частушкаяс.

Кыдз ме тӧді — ваыс джуджыд,

Ме сэні эг купайтчы.

Кыдз ме тӧді — милӧй лёк,

Ме сійӧ эг любитлы.

Выйим берегъяс джуджыдӧсь,

Выйим и ляпкыдджыкӧсь.

Выйим милӧйяс зэв бурӧсь,

Выйим пӧ и лёкджыкӧсь.

Ва вылын ыджыд йӧрдан да,

Гулюяс купайтчӧны.

Таво миян бурджык зонъяс,

Ставыс призывайтчӧны.

Катыдпомская дорога,

Кывтыдпомская тропа.

По дороге нам не надо,

По тропе иди сюда.

Менам вӧлі алӧй чвет да,

Ӧшинь вылын оз чветит.

Менам вӧлі муса друг да,

Ӧшинь увтӧд оз прӧйдит.