***

Кӧкъямыс во тыран лунӧ Коми муын газет петӧмлы Мордінса (Кулӧмдін у.) газетӧ гижысь чукӧр ыстӧ чолӧм «Югыд туй» да «Коми сикт» газет лэдзысьяслы.

Ёна сьӧкыда лои петны коми газетлы тайӧ кӧкъямыс вонас, нӧшта нин сьӧкыда сы вӧсна, мый эз вӧвны сиктъясын газетӧ гижысьясыс. Сӧмын бӧръя воясас кутіс лоны отсӧг сиктса крестьянасянь да мукӧдсянь, кодъяс гӧгӧрвоисны, мый натӧг оз вермы бурасӧ петныс газетыс.

Бурсиам коми газет лэдзысьяслы кыдз-мый вермад ыдждӧдны газетнытӧ да донтӧммӧдны, мед эськӧ крестьянаыс ёнджыка вермисны сійӧс судзӧдныс, да мед налы гӧгӧрвоана лоӧ лыддьыныс, тшӧкыдджыка лэдзны коми газетсӧ.

Ми ассяньным шуам: ещӧ чорыдджыка да сьӧлӧмсянь босьтчам тіянлы отсавны газетнытӧ лэдзны.

Мордінса газетӧ гижысьяс тшӧктӧм кузя — гижис ТЮРНИН.