ДОЙ

Тэнад карыд менам карысь

Вывті ылын,

Пыжӧй тэнад жугыль арысь

Оз нин кылав...

Кадыс вӧлі курыд кӧра —

Тэӧн висьми.

Рыжӧн вӧлӧма тӧвдӧра —

Ӧдйӧ сісьмис,

Караб коляс вылас ӧтнам

Кывті гортӧ.

Сӧмын гежӧдика вӧтнам

Волін ордӧ,

Вайлін сьӧрсьыд саридз гыа

Сола асыв,

Лежнӧг рӧмӧн мавтӧм кыа —

Ентас асык.

Сирӧ сывді чорзьӧм дойӧс,

Пыжӧс мавті,

Аслам юӧд ӧти войӧ

Пышйи-кывті.

Ӧні лолӧй гажа олӧм

Олӧ ассьыс,

Менам лолӧй тэнад лолысь

Дзикӧдз разьсис.