* * *

Кор оръясьӧм пидзӧса гача,

Важ таляссьӧм кӧма

Да бонзьӧдӧм-быздалӧм соска,

Банданаӧс разя,

А Ывлаыс лӧняс,

Да Чӧвлуныс моздорас босьтас,

Кор чышкышта абутӧм пӧсьӧс

Да гӧгӧрта синмӧн

Дзик аддзывтӧм-тӧдлытӧминсӧ:

«Эг кад вылӧ лӧсяв?».

«Зэв ас кадӧ. Пуксьывлы дінам,

Тэ сайӧдін лов пыранінсӧ.

Тэ Ме дорӧ пыран туй потшин».

А бӧрсяньым кыла:

Пыр зырӧны-зырӧны ловъяс.

Ме, ротйысьӧм, воши,

Ӧд чукӧртчис вӧччалӧм йылӧм...

Но такӧдіс Орччаыс: «Ротйысьӧм? Сідзкӧ, тэ ловъя».

14.01.2025.