КОРКӦ

Кӧнкӧ мусюрыс сайын,

Пемыд ру пиын, кодзувъяс улын,

Кӧні рудзӧдӧм саӧн

Куньса вой шӧрыс енэжсӧ нюлӧ,

Муртса дзузалӧ битор

Гӧрдов ӧшиньын дзирдалысь синмӧн.

Козъя егырсӧ йитӧ

Джуджыд пожӧма ягыскӧд. Инмӧ

Енэж дорӧсыс козйӧ.

Парма сьӧлӧмӧ саймовтчӧм дзуын

Тачкысь пач водзын — гозъя.

Лэбъя керканыс видзӧдчӧ юӧ.

Вӧтӧй вуджӧръяс вайӧ

Миян талунъя каршӧрса гортӧ.

Кӧнкӧ мусюрыс сайын

Аддза асьнымӧс нэмъяс пыр коркӧ.

10.12.2024.