* * *

Ышловзьыссис. Сэсся петіс нюм.

Шонді дзирдысь читкыртыштсис синмӧс.

Гӧгӧр чӧв. Ни шыч, ни рач, ни шум.

Пельпомъясӧ юрси пратьыд инмис.

Ки пыдӧсыд шылькнитыштіс чиг.

Шоныд лов шы вӧрзьӧдыштіс вошлы*.

Некод некӧн абу. Шемӧс дзик.

Недыр кежлӧ весиг шӧйӧвошлі.

Паныдасим. Шуин: «Вӧлі здук —

Ышловзьыссис, сэсся петіс нюмӧй.

Читкыртыштлі синмӧс. Сэсся тшук

Шылькнитыштіс быттьӧ кодкӧ юмов.

Тошалыштіс вошлы. Лов шы кыліс».

Ӧтитор кӧ вӧлі мен и тэд,

Сідзкӧ, кодкӧ вылісяньыс кыліс.

Юнг серти кӧ, Synchronіzіtаt.

13.07.2024.

* Вошлы (диал.) — вотшлы.