* * *

Ме лысва курта гӧжӧм кӧмтӧм кокӧн.

Ме изъя пыжӧн вуграсигмоз кывта.

Ме тӧвру кыя ёсьтӧм зорӧд бокын.

Ме ньӧвйӧн лыйся джуджыд вӧр-пу йывті.

Зэв кӧдзыд лысва усьӧ бӧръя кадӧ.

Зэв дыр нин косьтӧ «бабича» эг чӧвтлы.

Зэв важӧн зорӧд талявлі. И радыс

Оз чужлы брунгысь зэлыд ньӧввуж кӧвйысь.

Оз сяргы пиня гӧгыль моски кузя.

Оз лайкъяв нёль сыв кузьта сунан плака.

Важ ситеч вонйын челядьдырӧй узьӧ.

А кӧнкӧ нӧкъюр век на турун лякӧ...

25.11.2023.