***

Шондібанӧй олӧмӧй,

Том олӧмӧй, том гажӧй! (2).

Да том пӧра колялӧмӧй,

Да дас квайт арӧ олӧмӧй,

Да дас сизим ар тыртӧмӧй (2).

Да дас ӧкмыс виччысьӧмӧй!

Первой забава лои,

Полеӧ куті петавны. (2)

Том мортыс водзса воис.

Том мортӧй, дельнӧй мортӧй,

Дельнӧй паськӧмаӧй,

Рука кӧмасьӧмаӧй!

Умильнӧй мича синмӧй,

Уплатнӧй дона кывйӧй! (2)

Устюжскӧй югыд вирӧй,

Кӧч кок кодь еджыд яйӧй,

Калач мича ныр-вомӧй,

Сӧчӧн вӧсньыд льӧб дорӧй!

Сьӧд ной мича тройкаа.

Кӧзлӧвӧя сапӧга,

Резинкӧвӧй колоша.

Нимтӧм чуняс

Зӧлӧтӧй чунькытш.

Веськыд киас двукрадка.

Улича кузя мунӧ —

Уна народ сулалӧ,

Быд вежнысӧ петкӧдлӧ,

Быд завидьнысӧ босьтӧ.

Сы кодь озырыс абу,

Сы кодь майбырыс абу!

Коді нӧ нин сэтшӧмыс?

(Ним) сэтшӧмыс.

Коді нӧ нин параыс?

(Ним) сэтшӧмыс.