***
1. Ракаяслӧн лэбалӧм, лымйын купайтчӧм .... зэр водзын.
2. Тшын муӧ лэччӧ .... „
3. Пыш босьтігӧн кырымӧ кӧн (сӧк) кутчысьӧ .... „
4. Ытшкигӧн косаӧ турун кӧласьӧ .... „
5. Чикыш (чикинь) лэбалӧ .... „
6. Номъяс, ташкаяс ызгӧны-лэбалӧны .... „
7. Варыш тявгӧ .... „
8. Лысватӧм рыт .... „
9. Пон турун сёйӧ .... „
10. Джыджъяс сиктӧ кайӧны .... „
11. Чавканъяс (галкаяс) погостысь сиктӧ воӧны .... „
12. Чукӧра ыжъяс баксӧны .... „
13. Йӧв быгзьӧ .... „
14. Гӧлӧс сибдалӧ .... „
15. Гӧгӧра кузя горзӧ ва вылын .... „
16. Чеччасьлӧн (лягушалӧн) куыс сьӧд рӧмӧ вежсьӧ .... „
17. Ва пӧлика зэр .... кузя зэр водзын.
18. Кымӧр нёрмӧ
19. Шонді кымӧр улӧ пырӧ, кытш пыр видзӧдчӧ .... „
20. Турун дзез (кузнечик) чиргӧ .... мича водзын.
21. Весьтас тшын петӧ .... „
22. Лысваа рыт .... „
23. Ру лэдзӧ .... „
24. Порсь пукалӧ .... „
25. Гӧгӧраяс лэбалігас горзӧны .... „
26. Пель пытшкӧс кӧ лудӧ .... шонтас.
27. Востымасьӧ .... „
28. Ывла вылын кӧ кань войлӧ .... „
29. Пач вомын кӧ кань куйлӧ .... кӧдздӧдас.
30. Ывлавыв кӧ лыйсьӧ .... „
31. Петук кӧ кок пӧлӧн сулалӧ .... „
32. Ӧшинь кӧ нильӧдӧ .... „
33. Еджыд тӧрӧкан кӧ чужӧ .... „
34. Кор вурдысь видз эжтӧ лукйӧма, сэки турунтӧм во лоас.
35. Тшака во — туруна во; тшактӧм кӧ — турунтӧм.
36. Верба кӧ тшӧкыда быдмӧма бадь йылӧ — медводдза кӧдза бур. Шӧрын кӧ — шӧр кӧдза бур. Улын кӧ — медсёр кӧдза бур воас.
37. Коляоза да кӧктоина во — идъя во.
38. Гӧниш кӧ сюгвидзӧ (вужйыс гӧньӧ) — идъя во.
39. Коз лыс (лапа) йыв кӧ ур оровтӧма — сэки ура во; ӧтилаын кӧ оровтӧма — по местам ура; быдлаын кӧ — ӧплӧш.
40. Уна пелысь артмас — арбыд зэра лоӧ.
41. Пелыся во — локтан во лоӧ туруна во.
42. Номъяс дид водзын лэбалӧны улӧ-вылӧ — идъя во; ӧтарӧ-мӧдарӧ лэбалӧны — жеб воӧ.
43. Йи кылавтӧдз кӧ гымалӧ — ошка во лоӧ либӧ йӧз вывті сьӧкыд во.
44. Арын ӧтаваа во — туруна во водзын.
45. Сырчик воӧм бӧрын 12 лун мысти йи кывтас (Емва).
46. Тулысын бобув либӧ мазі первой аддзан — нимкодясян во лоӧ (няньыд оз кынмы).
47. Турилӧн «тур кӧрыш» горзӧм — бур во водзын; «Конан ласта» либӧ «Сидӧр йӧр» — лёк во водзын.
48. Кӧклӧн 12 лун водз кӧкӧм — йи зэр (шер) мунӧм, жеб во водзын.
49. Налимлӧн куйлӧм ва кывтчӧс юрӧн — ва туӧм водзын.
50. Посни комлӧн чеччалӧм .... „ „ „
51. Лӧддза во — няня во.
52. Эбӧстӧм олысьлӧн висьмылӧм — поводдя лёкмӧм водзын.
53. Евдокия лунӧ кӧ курӧглы ва юны сюрӧ — водз тулыс лоас.
54. Ичӧтика кынмасны льӧм пу коръяс кӧдзыд войясӧ — няньыд кынмас.
55. Кыдзлӧн коръяс кӧ петаласны водзджык пипу коръясысь — рудзӧга во; мӧдарӧ кӧ — идъя во.
56. Бур кӧ урожай пувлӧн — няньыд лӧсьыда воас.
57. Сю кӧ розъялӧ — чери вугырӧ оз кутчысь.
58. Понӧльӧ кутчысян да тшыналӧ кӧ сійӧ — чери оз шед.
59. Ва кӧ розъялӧ — чериыд оз жӧ шед.
60. Киль усьӧ юрысь — шог водзын, либӧ поводдя вежсяс.
61. Шыр кӧ вылӧ позъялӧма — сійӧ вонас нянь донсялас; улӧ кӧ позъялӧма — донтӧмсяс.
62. Арын дзодзӧг мунӧм бӧрын — регыд лым усяс.
63. Кӧина во — тшыг во водзын. (Вотча. Сысольский у.)
64. Крещенньӧ войӧ кодзув уна — вотӧса воӧ.
65. Ӧти сю либӧ ид идзасын кык шеп артмӧма — няня воӧ.
66. Нярборд (ушан) кӧ ваысь сюрӧ — ва прӧмыс шедӧ; косысь кӧ — кос прӧмыс.
Тайӧ приметаяссӧ чукӧртіс Емва вожса Тыла сиктысь
Ӧнь Степ Тикӧн (Т. С. Подоров).
