БӦРДӦЙ, СТАВ ЙӦЗ!

Кулі юрнуӧдысь,

Кулі миян Ленин ёрт...

Став мувывса эмбуртӧмъяс,

Ленин вӧсна синва-н бӧрд!..

Кулі миян бур удж нуысь,

Гӧль йӧз вӧсна шогсьысь морт,

Ичӧт йӧзӧс вылӧ лэптысь...

Кулі... Став йӧз, синва-н бӧрд!..

Кулі йӧзӧс нартысь мездысь...

Компарт вӧчӧ сылы горт.

Йӧз сьӧлӧмӧ юг би ӧзтысь

Кулі. Став йӧз, синва-н бӧрд!..

Кулі йӧз дор пессьысь, мырсьысь...

Пемдіс Рочму паськыд эрд,

Вӧрыс, муыс ставнас вӧрзис,

Бӧрддзис став йӧз... Коми, бӧрд!..