1.

Меным тэтӧг нинӧм абу окота...

Водны ни. А, водны кӧ —

Не чеччыны.

Тувсов шорлӧн визулыслы сетчыны,

Кылӧдас мед аслас саридз дорӧ да

Сэні сола из улас мед дзебыштас

Юалӧмъясысь:

«Но кыдзи, кыдзи тэ?!»...

Локтан да,

Сир курыд вирӧс пыдзыртан,

Ма кодь юмов виртӧ меӧ

Лэдзыштан...

2.

Шутӧм кывсьыс

вомӧй тыр,

Лэдзтӧм кывйыс

горшӧ сатшӧ.

Пӧда,

унмовся кӧ гатшӧн...

Сэтчӧдз

узьны тэд ог лэдз,

Кытчӧдз некыт

оз кут дойдны.

Локтан да,

тэд пеляд ойда...

3.

Некыт нинӧм на эз вежсьы,

Ставыс сэтшӧм, кутшӧм кольлін.

Йӧлӧгаыс сідз жӧ нерсьӧ,

Кодыр Яла ягӧ колльӧ.

Сӧмын сылӧн до минорас

Тэнад гӧлӧсыд оз тырмы.

Он и тӧдлы, дзикӧдз орас.

Но тэ тайӧс он и кывлы...