ВОЧАКЫВ

«Коми сикт» 18-ӧд номерӧ «Татшӧм суддя оз ков» нима гижӧдын шуӧма: суддя Надуткин пӧ коми кыв оз сетлы, нывбабаяс пӧ падмӧны да кыв оз кужны шуны суд вылад. Ыбса, Межадорса, Паджгаса да Сёськаса исполкомын служитысьяс, Межадорса нывбабаяс костын удж нуӧдысь — ставныс тӧдӧны дай вермасны висьтавны, рочӧн али комиӧн сёрнита ме суд вылын, сетала справкаяс крестьяналы, вӧча докладъяс нывбабаяслы. Рочӧн суд вылын ме сёрнита сӧмын сэки, кор судитчысьяс пиын эм комиӧн гӧгӧрвотӧм йӧз. «Видзӧдысь», тыдалӧ, сӧмын сэки аддзылӧма менӧ да газетуйтӧма «коми кыв пӧ оз сет тшапысла».

Нарсуддя Надуткин.