ВАЙӦЙ ИЗБАЧӦС

Одыб вӧлӧсьтын (Кулӧмдін у.) ноябр тӧлыссянь нин абу избач. Сэксянь лыддьысян керка пыр на кӧзяинтӧм керка кодь. Кодкӧ кадын пуктылісны эськӧ татчӧс мортӧс Микайловӧс избачас, да мортыд эз сяммы уджсӧ нуӧдны да ачыс ӧткажитчис. Библиотекаысь ӧні джын нигаыс вошалӧма нин. Мукӧддырйи кутчысьласны удж нуны лыддьысян керкаын служащӧйяс, да кулиганитӧм понда ставсӧ лоӧ эновтны. Мыйсӧ оз керны лыддьысян керкаын Одыбса кулиганъяс (эмӧсь и комсомолечьяс на пиын). Коді йӧктӧ, коді гудӧкӧн нязгӧ, коді матькӧ! Мый нӧ, повны некодысь.

Колӧ жӧ эськӧ Уполитпросветлы ыстыны Одыбӧ бурджык мортӧс избачӧ, кытчӧдз лыддьысян керкасьыс ставсӧ эз жугӧдлыны.

Аддзысь.