КОДІ МЫЙ ВӦЧӦ

НЁБДІНСА ВИТТОР лӧсьӧдіс духӧвӧй музыкаӧн ворсны «Шондібанӧй»; ӧнӧдз духӧвӧй музыка оз вӧлі ворс сійӧс — нотаясыс эз вӧвны да.

Сэсся лӧсьӧдіс духӧвӧй музыкалы жӧ «Коми шыяс» (коми сьыланкывъясысь торпыригъяс). Ӧні лӧсьӧдӧ нотаяс духӧвӧй оркестрлы жӧ ворсны марш «Коми Автономия».

СЬӦЛӦМ (Тима Вень Чисталёв) гижӧ поэма кодь гижӧд «Ыджыд висьт» (белӧйяскӧд косясян кадын коми йӧзлӧн олӧмысь).

ИЛЛЯ ВАСЬ велӧдчӧ Финляндияын. Гижӧ сьылан-лыддянъяс, коми грамматика да мукӧдтор.