Зонъяс:

— Чери кыйны мунам аски асыв,

кор на весиг шондіыс оз пет.

Кор на узьӧ весиг ачыс Васа.

Нывка:

— Сійӧ тіян черитӧ оз сет!

Зонъяс (чуймӧны):

— Тэнӧ, Ёма, коді татчӧ корис?

Мун да аслад аканьяснад ворс.

Либӧ вугрась эстӧн пони* шорас.

Либӧ мун да миян нидзув корсь.

Нывка:

— Корся нидзув — местасӧ ме тӧда —

Уна госа нидзув олӧ сэн.

Сӧмын тікӧд вуграсьны ме мӧда —

И оз вермы лоны зык ни вен.

Зонъяс:

— А тэ, Ёма, номъяссьыс он повзьы?

Номйыд курччас — петас ыджыд мыль.

Нывка:

— Номнад, пиӧ, менӧ тэ он повзьӧд.

Антикомариныс (петкӧдлӧ) — шнички выль.

Зонъяс:

— Но и Ёма. Ёма — паськыд вома.

Таысь, зонъяс, некыдз тай он мын.

Мый нӧ, босьтам?

Босьтны тай и ковмас.

Нывка:

— И ме кыя медся ыджыд сын!