Мозын дорын,

Кӧні зорӧд

Сувтіс быттьӧ ыджыд тшак,

Чибӧ гӧтшкис турун-дзоридз.

Вӧлі вӧлыс ок и тшап!

А ме буретш маті дӧвги.

Кыла: кодкӧ ловъя лов.

Вӧлі пемыд. Ме и повзи.

Гашкӧ, ош да? Сыысь пов.

Быдсӧн места вылам кынми.

Чуньӧн вӧрзьӧдны ог лысьт.

Ок и сюри! Ок и инми!

Ӧні бурӧнтӧ ог письт.

Гашкӧ, кулӧмаӧ пӧрны.

Вода му вылӧ — и шой,

Кутас вӧрӧдны — не вӧрны.

Кулӧм морттӧ ош оз сёй.

Ошкыд вӧрзьыштіс и гӧрдлӧ.

Вӧв тай вӧлӧм — абу ош!

Ок и повзьӧдін тэ, чӧртӧй!

Садьӧй тӧкӧтьӧ эз вош.