Алӧй дзоридз — войтурун —

Мортысь быдмӧ вылӧджык.

Еджыд быгъя тӧзь турун —

Кӧрыс лэбзьӧ-кылалӧ,

Му пасьтала разалӧ —

Сьӧлӧм доймӧ-пазалӧ...

Курыд турун, уразнӧй,

Сё висьӧмысь бурдӧдан,

Лолӧс кодыр пурасны,

Гашкӧ, тэ и бурӧдан?

Торпыригсӧ-лестуксӧ,

Выльысь йитлан-везйӧдлан?..

...Чӧв олӧны турунъяс,

Тӧвру найӧс копралӧ —

нюр выв вӧсни войтурун...

дой турун...

видз выв пашкыр ситурун...

би турун...

кӧксинва турун...

ма турун...

вомидз турун... войвутш турун...

зыбун турун... зынтурун...

эжӧр...